السعادة والفرحة من جوة



اتعلمت من الدنيا دي ان السعادة من جوة الواحد
يعني مش لازم استنى حد يقدملي حاجة او يقولي كلمة علشان تسعدني وتفرحني
حتى لو كان من أقرب الناس ليا في الدنيا
جربت كتير اني استنى ده من ناس حواليا ومالاقتهوش او كان توقعي أكبر من اللي لاقيته
ومالاقيتش احلى من اني اسعد نفسي بنفسي
واني اعمل حاجة بحبها هدية لنفسي حتى لو كانت حاجة الناس حاتشوفها تافهة او عبيطة لكنها في النهاية بتفرحني
النهاردة اشترتيت مج جديد وشيكولاته
وعملت نسكافيه في المج الجديد وكانت احلى كويابة نسكافيه أشربها من زمن مع الشيكولاته طبعا
اول امبارح كان يوم ميلادي وكنت متوقعة حاجات كتير من ناس قريبة ليا لكن مالاقيتهاش
وكنت حابدأ أدخل في مود كآبة لكن لحقت نفسي على طول وقررت اني ماستناش حد يفرحني
انا حافرح نفسي مش كتير عليا ابدا اني اعمل حاجة حلوة لنفسي واسعدها وافرحها
كل سنة وانا طيبة وفرحانة ومبسوطة

5 comments:

أنا - الريس said...

أولا كل سنة وإنتي طيبة
ثانيا فكرتيني بيوم عيد ميلادي
اللي فات
مفتكرش عيد ميلادي الا اللي ضايفهم
علي الفيس ومن فراغي قعدت اعد وصولوا لحوالي 76 واحد تقريبا قالي " كل سنة وانت طيب "
بس مفيش ولا واحد في البيت طبعا إلا اختي لقيتها كتبالي جنب الجهاز " كل سنة وانت طيب "

قعدت مستني ابويا أو امي مفيش حد افتكر الساعة 11:45 دقيقة نزلت جبت 4 خرطات تورته من واحد حلواني قريب من بيتنا الساعة 11: 55 دقيقة كنت مخلص اللي 4 بس كنت مبسوط

aliaa abdalfatah said...

MR.PRESIDENT وانت طيب وبخير
سيبك انت من كل ده
المهم التورتة كانت كريمة ولا شيكولاته :)

مصر اليوم said...

مدونة رائعة جدا

نادي حواء said...

شكرا على الموضوع

العاب فلاش said...

nice blog