عايزة أكتب ........ وخلاص

عايزة أكتب بقالي كتير اوي ما كتبتش حاجة .... مش عارفة العيب فيا ولا في الظروف اللي حواليا .....
زماااااااااااااان أيام الكلية و المدرسة كنت لما أتضايق أمسك ورقتي وقلمي وأفضل أكتب و أكتب وأكتب لغاية ما كل الورق الفاضي اللي أدامي يخلص صحيح الورق ده كان بيتقطع بس كنت بارتاح وباحس إني عملت حاجة
دلوقتي وعلى الرغم من أن الكتابة بقت شغلتي لكن ما بكتبش
ما بكتبش
يا ترى إيه اسبب ؟؟؟؟
ياترى ما فيش حاجة تتكتب ؟؟ ولا ما فيش حاجة تتقال ؟؟؟ ولا ما فيش فايدة من الكتابة ؟ ولا إيه بالضبط
مش عارفة
لكن كل اللي أنا عارفاه إني حاسه إني زي التايهة من ساعت ماخصمتني ورقتي و بعد عني قلمي حتى الكاي بورد ضاربه بوز .....
مش عارفة أخرة الحالة دي إيه ؟؟؟؟؟؟؟؟؟؟؟
عرفت من أصحاب مدونات تانية في البوست بتاعهم إنهم تقريبا عندهم نفس الحالة
حالة من التوهان والإحباط و الإكتئاب
ربنا يسهل والحالة دي تكون مؤقتة والواحد يرجع زي زمان