فضفضة

• 
  قررت ما كتبش تاني وفكرت أغير المهنة من صحفية لأي حاجة تانية فكرت اشتغل سكرتيرة ولا حتى مندوبة مبيعات مادام الخبرة والدراسة مش نافعة والواسطة بقت الوصفة السحرية للدخول المؤسسات القومية والصحف المحترمة من أكبر أبوابها .....
  مع إن قلبي مش أسود ولا حقودة بس حاحكيلكم حاجة حصلت وبتحصل كل ساعة في بلدنا الجميل ....
  ايام ماكنت في الكلية بتدرب مع الدراسة في الجرايد علشان اخد خبرة في المهنة كانت في واحدة صحبتي بتقولي إنتي بتتعبي نفسك ليه وتروحي تشتغلي وتيجي الكلية ده تعب عليكي جامد قلتلها وإيه يعني يا بنتي ده شغل الصحافة ده جميل وبعدين أديني باخد خبرة تنفعني لما إتخرج علشان اتعين على طول في اي جرنال من اللي انا كنت بادرب فيهم وبعديها اقدر اخد كارنيه نقابة الصحفيين احسن نقابة في مصر ........!!!!!!!!!!!
  أحلام جميلة عشتها اربع سنين هي فترة الدراسة في الكلية لكن صحيت على الحقيقة المرة - معلش شوية إحباط وإكتئاب - اه فاكرين صاحبتي اللي كانت بتقولي ماتعبيش نفسك في الشغل وكانت دايما بتقولي أنا مش حاتعب نفسها في شغل الصحافة وحاقعد في البيت !! إتعينت في الإهرام دلوقتي - عقبالكم - اصل والدها عضو مجلس إدارة - اللي إداك يدينا يا سيدي - مش حقد طبقي يا جماعة أبدا أبدا إنتوا عارفين !!!!!!!!!!!!!!!
  مممممممممممممممممممممممممممممممممم
  كتبت الجزء ده من حوالي يومين ولكني توقفت .............
  ودلوقتي وأنا بقراه لاقيته سوداوي أوي اوي وفيه إنهزامية يمكن الواحد عنده شيزوفرنيا جايز أو عقد وكلاكيع نفسية .. يمكن !!!!
  بس الأكيد إني لما قريته تاني ما عجبنيش ولاقيته فيه يأس وإستسلام وشوية تواكل !!!!
  وبناءا على ذلك قررنا الآتي :
  لا للإنهزامية ولا للإكتئاب والإحباط !!!!
  لازم الواحد يتعب ويتعب ويشتغل ويجتهد ويخلص النية لله تبارك وتعالى وإن شاء الله ربنا مش حايسبنا أبدا وزي ما في نماذج نجحت بسهولة وعلى حساب غيرها في كمان نماذج تعبت وإجتهدت وإعتمدت على نفسها أكيد مرت باللي إحنا شوفناه من بعض اليأس والإحبلاط و الإكتئاب لكن الأكيد إنها راجعت نفسها وقررت تكمل وتنجح ونجحت عقبالنا يا رب
  لا للكسل والراحة والتواكل :
  أنا ما أنكرش إني ممكن أكون كسلت كتير وريحت أكتر وبقيت أدي لنفسي مببرات علشان ما شتغلش تاني ولا أحقق حلمي !!!!